بسبب ابرة تخسيس فنان مصري يفقد احدى كليتيه ..

برنامج صاحبة السعادة.:إحكيلنا ياإدوارد ايه اللي حصل؟؟؟🥹😢أنا إدوارد… وعمري ما كنت أتخيل ولا يجي في بالي إن حُقنة تخسيس ممكن تغيّر حياتي بالشكل ده… للأسوأ.أنا مش ضد التجميل، ومش ضد إن حد يحاول يحسّن من شكله…بس غلطتي اني كنت عايز أخس بسرعة، وأرجع شكلي زي زمان.رحت، وخدت حُقنة… واحدة بس.نزلت 15 كيلو في وقت قصير… كنت مبسوط، كنت فخور جدا …بس للاسف يافرحة ماتمت بعد شوية حصل اللي عمري ما كنت أتخيله.😢😢بدأت أحس بحاجة غريبة…جسمي بقى تقيل… في سخونة مش مفهومة…4 أيام وأنا تعبان، ومفيش أعراض واضحة.رحت للدكتور، وصدمني لما قاللي: “أنت عندك شلل في المعدة”!الصدمة؟!شلل؟! إزاي؟!أنا بس خدت حُقنة!عملولي فحوصات كتير… وبدأت أسمع جملة أسوأ من اللي قبلها…😢قالولي:”عندك ورم في الكلى الشمال… ولازم تتشال فورًا!”كأن الدنيا وقفت…يعني إيه أشيل كلى؟ده جسمك بيتسرّب منك حتة حتة…وافقت للاسف لان الوقت مكنش في صالحي، وشلت الكلى.قلت خلاص، كده انتهى الكابوس…لكن لا…بعدها جالي جلطة في القلب!ومافيش وقت… رُكبت 3 دعامات!3 دعامات يا جماعة… في قلب واحد!أنا عديت من الموت أكتر من مرة…عدّيت من لحظات كنت فاكر إنها النهاية…كل ده عشان كنت عايز أخس بسرعة!عشان تصفيق الناس على شكلي…و”برافو خاسس”، و”رجعت شباب”…لكن محدش كان شايف الرعب اللي في قلبي، وأنا على السرير، مستني دكتور يقوللي: “هتعيش ولا لأ؟”يا جماعة…أرجوكم، ما تستهونوش بالحاجات دي!أي حاجة سريعة ليها تمن…وأنا دفعت التمن غالي…